暑假到尾升了，我就快要升上小一，代表著會愈來愈忙，媽咪就話襯暑假去澳門玩返下，記得上年去過天浪淘園玩，真係好好玩，所以想再去多次，終於係8月中我地出發啦！！！
天公不造美，出發時好大雨好大雨，行到去碼頭都濕晒，船飛係13:15，媽咪話想搭早一班時間鬆動D，因為一落船就要去滑草了！
一直好擔心澳門都落大雨無得滑草，但好好彩澳門無落雨，而且天陰陰，去滑草不用曬，正！一落船就有同學仔爹地車我地去滑草，由於滑草場要2：30先開門，所以我地就係空地玩下先。
愈近2:30就愈多小朋友黎，到2:30時有成10個小朋友等了，話說當日係星期四呢，真係估唔到會咁多人，不過好彩多人但好快，個個快上快落，來來回回玩左5﹣6轉呢。到我玩完要走時目測有成廿個小朋友在排隊啦，真係好誇張。
望落滑草場以為好快，佢開時仲要不停洒水，等再滑D，但對於我地呢D輕磅既，一D都唔滑，仲要滑唔到落低添，如果想滑快D既，強力見意同大人一齊滑，因為重D所以可以滑快D，眼見有大人滑既好似炒車，佢地真係好快。
玩左一個鐘左右就行返出去有個遊樂場仔，我係個邊再玩左一陣就要走了，返酒店check in 吧！
今次同上次一樣媽咪book左JW酒店，暑假既個時候既JW可以講得上係超貴，$2800一晚仲未計15%，住兩晚加埋15%成$6000，而百老匯就$1400一晚，連續book兩晚有7折，但我地今次既目的係去天浪淘園，而JW搭架電梯就落到去了，真係放便，而百老匯要穿過商場行10分鐘先到，所以都係住JW了!!!
第一晚晚餐媽咪book左JW既名廚都匯，好多海鮮呀，有我最鍾意食既三文魚，但係配合的比你，生蠔都係，一人每次只可以拎3隻，蟹腳呀，龍蝦，麵包蟹都有，但味道就麻麻地，還有parma ham，燒牛排，點心，北京填鴨.....好多野食，但甜品區就好失色，甜品唔好食，好少款，連葡tart都無，唉~~~雪糕只得兩個口味，就係朱古力同雲尼拿。唯獨最贊的係飲料區，有多款果汁，又有即沖coffee or tea, 由其係茶，有十多款茶包比你選擇，媽咪就咁飲左好多野~~~順帶一提，媽咪係旅遊公司訂自助餐的，唔係walk in，雖然眼見walkin 都仲有好多位，但walkin 係5百幾蚊一位，而家旅遊公司訂只需要$418(已包加一)，但要注意既係係旅遊公司訂時話酒店因為暑假所以分左兩個時段6:00-8:00同8:30-10:30, 但唔知係旅遊公司攪錯定點，我發覺係無分既，係我地無啦啦8:00就走了，其他所有食客都繼續食，不過都算了，我已經好倦了！早D返去泡泡浴仲好！
今次JW個景無上年咁靚，上年係園景，望晒成個天浪淘園，今次係馬路景，望到個" 8 "字。
